Në janar të vitit 2021, atë kohë kryeministri në detyrë, Avdullah Hoti, kishte thënë se janë marrë vesh me Sindikatën e Bashkuar të Arsimit dhe Shkencës që të paguhet edhe paga e 13’të për mësimdhënësit e arsimit parauniversitar, duke filluar nga viti 2023.
“Jemi pajtuar që të paguhet paga e 13’të duke filluar nga viti 2023 E kemi saktësu pagesën për shujtën dhe transportin. Sot do të nënshkruhet kjo kontratë me disa ndryshime teknike që do të bëhen gjatë ditës. Mendoj që është një momenti i mirë në fushën e arsimit që e rregullon mënyrën e funksionimit të arsimit në vend”, kishte deklaruar atë kohë Hoti.
Vitit 2023-të i kanë mbetur edhe pak ditë, por nuk ka asnjë sinjal se mësimdhënësit do të marrin pagën e 13-të.
AlbanianEducation.net ka realizuar një anketë me lexuesit të cilët i ka pyetur: A duhet dhënë shteti pagën e 13-të mësimdhënësve?
92% e lexuesve janë përgjigjur se ‘PO’ shteti duhet t’i japë pagën e 13-të punëtorëve të arismit.
7% e lexuesve janë përgjigjur ‘JO’ se nuk duhet t’iu ipet paga e 13-të mësimdhënësve, kurse 1% janë përgjigjur Nuk e di.
/AlbanianEducation.net/.
