Shqiponjë Kamberi është zgjedhur mësuese e dalluar në shkollën “Hilmi Rakovica” në Prishtinë, shkruan AlbanianEducation.net.
Shkolla thotë se mësuesja Shqiponjë dallohet për angazhimin e saj të vazhdueshëm, përkushtimin ndaj nxënësve dhe përgatitjen e lartë profesionale.
Njoftimi i plotë:
Me kënaqësi ju prezantojmë mësuesen e dalluar për vitin shkollor 2025–2026, mësuesen Shqiponjë Kamberi. 🌟
Me mbi 18 vite përvojë pune në arsim, mësuesja Shqiponjë është shembull i përkushtimit dhe profesionalizmit në profesionin fisnik të mësimdhënies. Ajo dallohet për angazhimin e saj të vazhdueshëm, përkushtimin ndaj nxënësve dhe përgatitjen e lartë profesionale.
Bashkëpunuese dhe e afërt me kolektivin, e dashur dhe e respektuar nga nxënësit, si dhe korrekte në komunikim me prindërit dhe menaxhmentin e shkollës, ajo përfaqëson vlerat më të mira të shkollës sonë.
Urime për këtë vlerësim të merituar dhe suksese të mëtejshme në misionin e saj edukativ!
