“Çdo fëmijë është një yll – detyra ime është ta ndihmoj të shkëlqejë!”
Ky është sllogani që udhëheq punën e mësueses Shqipe Loshi, një edukatore e përkushtuar dhe një inspirim për brezat e rinj. Me një përvojë të gjatë në arsim, ajo e nisi rrugëtimin e saj profesional më 2003, ndërsa që nga viti 2019 është pjesë e stafit të shkollës “Shkëndija” Hajvali, ku ka dhënë një kontribut të çmuar në edukimin dhe formimin e nxënësve.
Si mësuese, ajo shquhet për dashurinë dhe përkushtimin e saj ndaj secilit nxënës, duke e parë potencialin e tyre si një thesar që duhet kultivuar me kujdes. Metodat e saj inovative dhe qasja e ngrohtë pedagogjike krijojnë një mjedis mësimor frymëzues dhe motivues, ku çdo fëmijë ndjehet i vlerësuar dhe i inkurajuar të arrijë sukses.
Përveç punës me nxënësit, Shqipe Loshi është një kolege e respektuar dhe një bashkëpunëtore e shkëlqyer, e cila i kryen detyrat me përpikëri dhe profesionalizëm të lartë. Angazhimi i saj për cilësi dhe përmirësim të vazhdueshëm e bën atë një shtyllë të rëndësishme të komunitetit shkollor.
Drejtoresha e shkollës “Shkëndija” Hajvali shpreh vlerësimin e saj të lartë për përkushtimin dhe punën e palodhshme të mësueses Shqipe Loshi, duke e konsideruar atë një model për edukatorët e rinj dhe një mbështetje të madhe për nxënësit në rrugën e tyre drejt dijes. Përmes punës së saj të palodhur, ajo vazhdon të ndriçojë rrugën e fëmijëve drejt suksesit.
©Albanian Education – Të gjitha të drejtat e rezervuara
