Shqetësuese: “Në një bastisje të 40 nxënësve në një klasë, janë gjetur 20 thika”

Në shumë shkolla të Kosovës mungojnë planet e emergjencës, zyrtarët e trajnuar për siguri dhe kushtet elementare për mbrojtje nga zjarri e rreziqe të tjera.

Vebi Mujku, ish-drejtor i Qendrës për Punë Sociale, ka deklaruar se në shkolla tona mungojnë shenjat për dalje emergjente, udhëzimet dhe ushtrimet për reagim.

Ai shtoi se pasiguria në shkolla nuk kufizohet vetëm në aspektin fizik, por përfshin edhe rritjen e dhunës, përdorimin e armëve të ftohta dhe drogës.

“Janë gjetur raste ku në një shkollë janë kapur deri në 20 thika. Kjo tregon mungesën e kontrollit dhe të sigurisë. Prindërit sot i dërgojnë fëmijët në shkollë me frikë” – tha Mujku. /Marrë nga Kallxo.com