- Advertisement5 -
Ministrja e Arsimit, Arbërie Nagavci, ka njoftuar se është shpallur konkurs për 4 skema të bursave për vitin akademik 2024-2025.
Njoftimi i ministres Nagavci:
Të dashur studentë,
Kemi shpallur konkursin për 4 skema të bursave për vitin akademik 2024-2025.
Konkurs për ndarjen e bursave për studentet në fushat e Shkencës, Teknologjisë, Inxhinierisë dhe Matematikës (apo STEM) të arsimit të lartë në Kosovë. Thirrja synon ta mbështesë shkollimin e studenteve vajza/gra që studiojnë në nivelin baçelor në institucionet publike të arsimit të lartë në Kosovë në programet e STEM. Shuma e mbështetjes është 1 mijë euro për vit për studente: https://shorturl.at/n7x50Konkurs për ndarje të bursave elitare për studentët e universiteteve publike në programet baçelor dhe master për studentë, në vitin akademik 2024-2025. Të drejtë aplikimi për bursë kanë të gjithë/a studentët/et në nivelin BA dhe MA që studiojnë në institucionet publike të arsimit të lartë në Kosovë, të cilët/at i plotësojnë kushtet dhe kriteret e përcaktuara si në konkurs. Shuma e mbështetjes është 1 mijë euro për student: https://shorturl.at/OPW8iKonkurs për ndarjen e bursave për studentët e nivelit master jashtë vendit që ka për synim mbështetjen e shkollimit të studentëve që janë regjistruar apo vijojnë studimet në nivelin master në top 200 universitetet më prestigjioze në botë sipas listës “Times Higher Education”. Shuma maksimale e mbështetjes financiare është deri në 7 mijë euro për student: https://shorturl.at/ygu6ZKonkurs për mbështetje financiare për studentët e komuniteteve rom, ashkali dhe egjiptian. Konkursi synon mbështetjen e shkollimit të studentëve nga këto komunitete që janë regjistruar për herë të parë në vitin e parë akademik 2024-2025 në nivelin bachelor në njërin nga universitetet publike në Republikën e Kosovës. Shuma maksimale e mbështetjes është 1 mijë euro për student :https://shorturl.at/jnZMe
Konkurset do të jenë të hapura 15 ditë nga data e publikimit ndërsa aplikimi bëhet përmes Platformës e-Kosova.Suksese!
