Shpallen rezultatet e garës së diturisë, çmimin e parë e mori shkolla “Andon Z. Çajupi’’ nga Vushtrria

Gjatë ditës së sotme, shpallen rezultatet e garës së diturisë të vitit 2022, finalja e së cilës u mbajt në gjimnazin “Eqrem Çabej”, të mërkurën.

Në këtë garë diturie, e cila u mbajt online, çmimin e parë e mori shkolla “Andon Z. Çajupi’’ nga Vushtrria, ndërsa çmimin e vendit të dytë, e mori shkolla “Lumni Surdulli’’ nga Samadrexha dhe çmimin e tretë fitoi shkolla “Enver Hadri” nga Smrekonica.

Kjo garë është zhvilluar me nismën e kryetarit Ferit Idrizi, gjithashtu një kontribut të madh për këtë garë dha edhe organizatori Enver Bajrami, zyrtar i DKA-së.

Komisioni vlerësues përbëhej nga anëtarët: Mentor Hajrizi (gjuhëtar), Jeton Sallahu (historian), Ramiz Parduzi (biolog), Faruk Jashanica (kimist) dhe Visar Gjaka (mësimdhënës i TIK-ut).