Shumica e shkollave në Kosovë vazhdojnë të jenë në grevë e nxënësit në shtëpi, kjo për shkak se nuk ka një ujdi mes Qeverisë e SBASHK-ut për të dalë nga greva që ka nisur para një muaji.
Ndërsa Qeveria nuk po i takon SBASHK-un dhe më nuk po merret me grevën pasi thotë se nuk ka çfarë t’i ofrojë më grevistëve dhe e ka lënë në një farë forme në harresë këtë çështje tejet të ndjeshme, dy njerëzit që do të duhej të gjendnin zgjidhje, kryeministri Albin Kurti e ministri i Financave, Hekuran Murati nuk janë më as në Kosovë, shkruan Albanian Kids Education.
Ata kanë udhëtuar për në Japoni për të marrë pjesë në funeralin shtetëror të ish-kryeministrit të Japonisë, Shinzo Abe.
Dhe duke parë se Qeeria nuk po i thërret në takim dhe më nuk po merret me grevistët, Ymer Ymeri nga SBASHK-u ka paralajmëruar se mund të tërhiqen dhe nëse anëtarësia thotë “PO”, atëherë mund të ndërprehet greva dhe të nis mësimi.
Mbetet të shihet sonte nëse SBASHK do të dalë me ndonjë njoftim të ri apo jo pas takimeve ditore që zhvillon me anëtarësinë. /Albanian Kids Education/
