Në fillim të këtij viti shkollor, Kryetari i Komunës së Vushtrrisë, Ferit Idrizi, ka bërë të ditur një investim të rëndësishëm në infrastrukturën arsimore, përmes instalimit të 56 tabelave të mençura në katër shkolla fillore dhe të mesme.
Sipas Idrizit, i cili është gjithashtu kandidat për kryetar nga radhët e PDK-së, ky projekt synon të përmirësojë kushtet e të nxënit dhe të krijojë mundësi për një mësimdhënie bashkëkohore dhe interaktive.
Tabelat e mençura janë instaluar në këto institucione arsimore:
Gjimnazi “Eqrem Çabej”
Shkolla “Andon Zako Çajupi”
SHMU-1
SHF “Mustafë Venhari”
I pranishëm gjatë prezantimit të projektit ishte edhe Drejtori i Arsimit, Albanez Tahiraj, i cili theksoi se ky është një hap i rëndësishëm drejt një mësimdhënieje më efikase, duke iu përafruar standardeve të shkollave evropiane.
