Shkolla “Zenel Hajdini” në Prishtinë ka festuar 60-vjetorin e themelimit me një program të pasur, shkruan AlbainanEducation.net.
Njoftimi i shkollës:
Në këtë ditë të veçantë, nxënësit dhe mësimdhënësit tanë janë angazhuar me një sërë aktivitetesh nga të gjitha fushat për të shënuar këtë jubile.
Kjo ditë ishte një mundësi e shkëlqyer për të reflektuar mbi arritjet e shkollës sonë gjatë këtyre viteve dhe për të festuar sukseset e shumta që kemi arritur së bashku.
Një falënderim i veçantë shkon për stafin e mësimdhënësve, të cilët me përkushtim dhe pasion kanë ndihmuar në arsimimin e gjeneratave të reja dhe në promovimin e vlerave të edukimit dhe kulturës.
Po ashtu, falënderojmë prindërit dhe komunitetin për mbështetjen e tyre të vazhdueshme. Pa kontributin tuaj, sukseset tona nuk do të ishin të mundura.
Këtë ditë të rëndësishme, kemi pasur nderin të botojmë edhe Monografinë e Shkollës,mbi të arriturat dhe sfidat që e përcollën shkollën tonë gjatë këtyre viteve.
Le të vazhdojmë të punojmë së bashku për një të ardhme edhe më të ndritur për shkollën tonë dhe për të rinjtë tanë.
URIME DITA E SHKOLLËS!
