Shkolla Fillore dhe e Mesme e Ulët “Zef Serembe” në fshatin Leshan të Pejës është shndërruar në një ndër institucionet më të suksesshme në nivel komunal, falë punës së organizuar dhe përkushtimit të stafit pedagogjik.
Nën drejtimin e drejtorit Beqir Sadiku, shkolla ka rritur dukshëm cilësinë mësimore, rezultatet në garat komunale dhe aktivitetet shkollore. Stafi arsimor, i përbërë nga mësimdhënës profesionistë dhe të përkushtuar, është faktori kryesor i këtyre arritjeve.
Bashkëpunimi harmonik mes kolektivit, nxënësve dhe prindërve ka krijuar një klimë të shëndoshë pune, duke e bërë “Zef Serembe” një shembull të institucionalizimit dhe përparimit arsimor në komunën e Pejës.
Sukseset e shkollës tregojnë se investimi në cilësi, disiplinë dhe përkushtim sjell rezultate të prekshme për tërë komunitetin.
