Në ambientet e IAAP “Ymer Prizreni” në Prizren është mbajtur takimi i radhës me Ekipin për Vlerësimin e Brendshëm të Shkollës (VBSH), ku morën pjesë anëtarët e ekipit dhe menaxhmenti i institucionit.
Gjatë këtij takimi u diskutuan çështje kyçe që lidhen me procesin e vlerësimit të brendshëm, me theks të veçantë në përmirësimin e cilësisë në arsim.
Pjesëmarrësit u njoftuan se për këtë vit janë përcaktuar dy fusha kryesore për vlerësim: zhvillimi profesional i mësimdhënësve dhe performanca e nxënësve, shkruan AlbanianEducation.net.
Njoftimi i plotë i shkollës:
Ekipi për Vlerësimin e Brendshëm të Shkollës (VBSH)
Sot, në ambientet e shkollës, u mbajt takimi me ekipin për Vlerësimin e Brendshëm të Shkollës (VBSH). Në takim morën pjesë anëtarët e ekipit, si dhe menaxhmenti I shkollës, ku u diskutuan çështje të rëndësishme lidhur me procesin e vlerësimit të brendshëm.
Gjatë takimit u informuan që këtë vit janë dy fusha për vlerësim:
1. Zhvillimi Profesional i Mesimdhenseve.
2.Performanca e Nxënësve. Gjithashtu u trajtuan këto pika kryesore:
🔹️Analiza e gjendjes aktuale në fushat e cilësisë;
🔹️Vlerësimi i zhvillimit profesional të mësimdhënësve;
🔹️Analiza e performancës së nxënësve;
🔹️Identifikimi i sfidave dhe nevojave për përmirësim;
🔹️Përcaktimi i hapave konkretë për avancimin e cilësisë në shkollë.
Në përfundim, ekipi u dakordua për vazhdimin e punës sipas planit të veprimit dhe për monitorimin e vazhdueshëm të progresit në fushat përkatëse.
