Shkolla fillore “Xhemajl Mustafa” në Prishtinë ka njoftusr se është zgjedhur Këshilli Drejtues I shkollës.
Kryetar është zgjedhur, Agim Kita.
NJOFTIMI:
Më datë 03 nëntor 2022, në shkollën tonë u mbajt mbledhja e Këshillit Drejtues të Shkollës.
Në takimin e sotëm, menaxhmenti i shkollës falënderoi dhe ndau mirënjohje për Këshillin Drejtues të Shkollës, të cilët përfunduan mandatin. Ky këshill dha kontribut të madh në shkollën tonë për tri vite me radhë.
Puna dhe përkushtimi i këtij këshilli, menaxhmentit, mësimdhënësve, prindërve dhe stafit të shkollës bënë që shkolla të funksionojë në mënyrën më të mirë të mundshme e sidomos në kohën e pandemisë.
Menaxhmenti i shkollës falënderoi të gjithë anëtarët e këshillit, duke përfshirë këtu dhe kryetarin Mentor Bogaj.
Po ashtu, nga sonte u kompletua dhe mori kompetencat Këshilli Drejtues i Shkollës (KDSh) i ri, i cili u zgjodh sipas legjislacionit në fuqi. Kryetar i KDSH-së, me shumicë votash, u zgjodh Agim Kita.
Z.Kita, pas marrjes së detyrës së kryetarit, falënderoi KDSH-në e mandatit të kaluar për punën dhe përkushtimin e derisotshëm.
Ai u zotua që bashkë me të gjithë akterët e shkollës do të punojnë në përparimin e shkollës për mirëqenien, arsimimin dhe edukimin e nxënësve.
Vazhdojmë së bashku! 🙏🏼❤️
