Shkolla “Xhemail Mustafa” në Prishtinë ka shënuar 20-vjetorin e themelimit, shkruan AlbanianEducation.net.
Përveç programit për këtë ditë, u ndanë mirënjohje për mësimdhënësit pensionistë për kontributin e pashoq që dhanë për shkollën.
Njoftimi:
“Arsimimi hap dyert e mbyllura.”
🎊Nën këtë moto, shënuam Ditën e Shkollës, njëkohësisht dhe 20-vjetorin e themelimit të saj.
👩🏻🤝👨🏼Me vallëzime tradicionale e ritmike, këndime e recitime kushtuar personalitetit të shquar që mban emrin shkolla jonë, Xhemail Mustafa, e deri te prezantimi i punës që bëhet në shkollën tonë, u përcoll dita festive për të shënuar 20 vjetorin e themelimit.
👩🏻🏫👨🏻🏫Përveç programit për këtë ditë, ndamë mirënjohje për mësimdhënësit pensionistë për kontributin e pashoq që dhanë në shkollën tonë, nderuam familjen e të madhit Xhemail Mustafa dhe falënderuam ish drejtorin e shkollës sonë z.Qazim Çeta për kontributin e dhënë ndër vite.
🧑🏻💻Gjithashtu, klubet e nxënësve nga secila lëndë mësimore prezantuan para mysafirëve të ftuar si dhe përfaqësuesve të DKA-së punën e tyre teorike e praktike në lëndën përkatëse.
👏🏻Falënderime të përzemërta të gjithë brezave që ishin pjesë e shkollës sonë, mësimdhënësve pensionistë, mësueseve klasore, arsimtarëve lëndorë stafit teknik, prindërve dhe gjithë atyre që çdo ditë i japin më të mirën e tyre institucionit tonë edukativo-arsimor që sukseset të mos i mungojnë.
🎉Gëzuar 20-vjetorin!
