Për t’i dhënë ngjyrë këtyre datave kombëtare, më 25. 11 u organizua një program i shkurtër me recitime, këngë dhe u zbukurua klasa me ngjyrat kuq e zi.
Në këtë vit, shkolla e mësimit plotësues “Shkolla Shqipe Monthey Chablais”, ka filluar mësimin më 16.9.2020, në qytetin Monthey, pas disa viteve pauzë. Kjo u arrit me iniciativën e Zenun Shalës dhe falë bashkëpunimit të anëtarëve të tjerë të kryesisë: Dugagjin Ramosaj, Valentina Ramosaj dhe Yllka Shehut, shkruan albinfo.ch.
Duke qenë viti i parë i saj, shkolla jonë për nder të festave të Nëntorit kishte planifikuar një program kulturor artistik ku do të ftoheshin personalitete të shquara kombëtare dhe të huaja për të festuar. Por kjo ishte e pamundur për shkak të situatës aktuale me Covid-19, tregon për albinfo.ch mësuesja, Ganimete Demiri.
Por, për t’i dhënë ngjyrë apo frymëzim këtyre datave historike kombëtare ne në klasë më, 25. 11) organizuam një program të shkurtër me recitime, këngë, zbukuruam klasën sepse fëmijët ishin mjaft të entuziazmuar për të festuar me ngjyrat kuq e zi. Programi u mbajt në klasë pa prezencën e prindërve dhe kryesisë së shkollës.
Mesazhi i mësuese Ganimetes ishte: “Urime 28 Nëntori të gjithë shqiptarëve anë e mbanë! Uroj që nëntorët tjerë t’i presim të gjithë së bashku duke festuar si vitet e mëparshme”.
