Shkolla “Rilindja” në Dobroshec të Drenasit ka krijuar një hapësirë të gjelbëruar, duke e kthyer atë në një ambient të mbushur me jetë, ngjyra dhe qetësi.
Oborri i shkollës tashmë është pasuruar me gjelbërim, lule shumëngjyrëshe dhe ulëse për pushim, duke u shndërruar në vendin ideal ku nxënësit mund të relaksohen gjatë pushimeve apo pas përfundimit të orëve mësimore.
Ky ambient i bukur është dëshmi se shkolla “Rilindja” nuk është vetëm një institucion arsimor, por edhe një hapësirë që promovon kujdesin për mjedisin, harmoninë dhe dashurinë për natyrën.
Përmes këtij projekti, synohet të krijohet një mjedis frymëzues, i cili ndikon pozitivisht në mirëqenien dhe zhvillimin emocional të nxënësve.
Shkolla “Rilindja” vijon të angazhohet për të ofruar jo vetëm arsim cilësor, por edhe ambiente që reflektojnë vlera edukative dhe kulturore në çdo aspekt të jetës shkollore. 🌿✨
