Jo rrallë herë publikohen pamje jo të mira të shkollave të vendit si brenda objektit ashtu edhe nga jashtë.
Megjithatë ka edhe shumë shkolla në vend që kanë kushte tejet të mira mësimi, dhe për më tepër përkujdesja ndaj ambientit të pastër është për t’u duartrokitur.
E tillë është shkolla fillore “Iliria” në Savrovë të Suharekës ku është një shembull për kushtet e mira të mësimit, por edhe për ambientin e pastër, shkruan AlbanainEducation.net.
Është drejtori i Drejtorisë për Arsim në komunën e Suharekës, Remzi Bajselmani, që ka publikuar disa foto të kësaj shkolle ku shihet ambienti tejet i mirë për mësim, si dhe pastërtia jo veç brenda objektit por edhe në oborrin e shkollës.
“Shkolla në Savrovë me kushte dhe mirëmbajtje në nivel”, ka shkruar drejtori Bajselmani në Facebook.
Në fotot e mëposhtme përveç ku shihet ambienti tejet i mirë për mësimnxënie, mund ta shikoni dhe klasën për lëndën e teknologjisë që është e pajisur me kompjuter, një gjë kyçe për nxënësit në epokën digjitale që po jetojmë.
