Edhe shkolla fillore e mesme e ulët “Nazim Gafurri” në Prishtinë ka nisur me mësim gjithëditor, duke u bërë e pesta shkollë në kryeqytet që përfshihet në këtë model.
Kreu i Prishtinës, Përparim Rama, ka publikuar disa foto, ku ka thënë se 500 nxënësit e këtij institucioni arsimor, jo vetëm që po ndjekin mësime në kabinete moderne për lëndë të ndryshme, gjithashtu po ushqehen me gjella të ngrohta, sallatë dhe fruta të freskëta të përgatitura nga kuzhina qendrore, shkruan AlbanianEducation.net.
Postimi i tij:
Edhe shkolla fillore e mesme e ulët “Nazim Gafurri” me mësim gjithëditor, duke u bërë e pesta shkollë në kryeqytet që përfshihet në këtë model.
500 nxënësit e këtij institucioni arsimor, jo vetëm që po ndjekin mësime në kabinete moderne për lëndë të ndryshme, por tani kanë hapësira për art, shkencë dhe socializim, si dhe tabela digjitale për një mësim më interaktiv, por gjithashtu po ushqehen me gjella të ngrohta, sallatë dhe fruta të freskëta të përgatitura nga kuzhina qendrore.
Me dollapë personalë për nxënës, po krijojmë një ambient që jo vetëm mbështet mësimin, por edhe mirëqenien e fëmijëve tanë.
