Në shkollën “Naim Frashëri” në Zaskok të Ferizajt është mbajtur kuizi i lëndës së Edukatës Muzikore, i organizuar nga mësimdhënësja Zana Aliu Salihu, me pjesëmarrjen e nxënësve të klasave të shtata.
Kuizi ishte i ndarë në dy pjesë, ndërsa në finalen e garës u kualifikuan klasat e shtata që arritën pikët maksimale në fazën e parë të testimit. Fitues i finales u shpall klasa VII/1.
Nxënësit u vlerësuan nga një juri profesionale e përbërë nga profesorë të shkollës së muzikës “Çesk Zadeja” në Ferizaj. Në përbërje të jurisë ishin prof. Liridon Sylejmani, prof. Alma Delolli – saksofoniste, Arjeta Krosa – flautiste dhe Ftesë Ramadani – violiniste.
Në përfundim të aktivitetit, fituesit u nderuan me mirënjohje, medalje dhe një kasnak të qendisur, dhuratë nga mësimdhënësja e tyre Zana Aliu Salihu.
Ky aktivitet u zhvillua në kuadër të promovimit të talentit muzikor dhe angazhimit kreativ të nxënësve në shkollë.
