Shkolla fillore “Mustafë Venhari” në Vushtrri po dëshmon se një mjedis i pastër është themel për një arsim cilësor dhe një ambient të shëndetshëm për nxënësit dhe mësimdhënësit.
Falë përkushtimit të punëtorëve teknikë, pastertia në këtë institucion edukativ është gjithmonë në nivelin më të lartë.
Në një njoftim të fundit të publikuar nga shkolla, është vlerësuar puna e palodhur e stafit teknik, të cilët përkujdesen çdo ditë për mirëmbajtjen dhe higjienën e hapësirave të shkollës.
“Ky angazhim jo vetëm që garanton një mjedis të këndshëm dhe të pastër për nxënësit, por gjithashtu kontribuon në shëndetin dhe mirëqenien e gjithë nxënësve”.
“Pastërtia në shkollën tonë është gjithmonë në nivel, falë punëtorëve teknikë që çdo herë kryejnë detyrën me përkushtim. Respekt për punën e tyre!”, thuhet në njoftimin e shkollës.
