Shkolla “Mustafa Bakiu” në Prizren i shpërblen me nga një libër nxënësit që nuk munguan asnjë ditë të vetme në shkollë

Shkolla “Mustafa Bakiu” në Prizren ka bërë një vendim tejet të mirë.

Drejtoria e shkollës i ka shpërblyer me nga një libër nxënësit që nuk munguan asnjë ditë të vetme në shkollë, shkruan AlbanianEducation.net.

Njoftimi:

FALËNDERIME PËR NXËNËSIT PA MUNGESA

Sot, në ambientet e bibliotekës së shkollës, në prani të drejtoreshës znj. Behare Kryeziu dhe kujdestarëve të klasave, u nderuan me falënderime dhe me nga një libër të gjithë nxënësit e shkollës sonë të cilët gjatë vitit shkollor 2023-2024 nuk kanë as edhe një mungesë të vetme.

Kjo, pa dyshim, do të ndikojë që këta nxënës të vazhdojnë të jenë të rregullt në mësime edhe në të ardhmen, por njëkohësisht edhe tek të tjerët që të mos bëjnë mungesa gjatë procesit mësimor.