Shkolla “Mustafa Bakija” në Gjakovë ka njoftuar se ka përmbyllur me sukses ceremoninë e procesit të Vlerësimit të Performancës së Mësimdhënësve, shkruan AlbanianEducation.net.
Njoftimi i shkollës:
Sot, me krenari dhe emocion të veçantë, përmbyllëm me sukses ceremoninë e finalizimit të procesit të Vlerësimit të Performancës së Mësimdhënësve në SHF “Mustafa Bakija”.
Ky moment shënon një arritje të rëndësishme për shkollën tonë, pasi i gjithë stafi mësimdhënës tashmë posedon licencë aktive profesionale, duke dëshmuar përkushtimin, seriozitetin dhe profesionalizmin në punën edukativo-arsimore.
Një falënderim i veçantë shkon për ekipin profesional të VPM-së, i cili me përgjegjësi, korrektësi dhe punë të palodhshme realizoi të gjitha procedurat profesionale dhe ligjore të këtij procesi shumë të rëndësishëm për institucionin tonë.
Me shumë respekt dhe mirënjohje, sot pata kënaqësinë që secilit anëtar të ekipit t’i ndaj një mirënjohje dhe dhuratë simbolike për kontributin dhe angazhimin e jashtëzakonshëm.
Ekipi: Zana Kurtishi Rudi -Drejtoresha,Rajmonda Kurshumlia-koordinatore e cilësisë,Blerina Haraqija-anëtare, Natyrë Kaja-anëtare,Dhurata Nixha-anëtare,Albana Dujaka-anëtare.Albulena Meqa-anëtare,Klara Morina-anëtare,Yllka Gola-anëtare,Mirlinda Efendija-anëtare,Shqipe Aliaga-anëtare.
Falënderoj nga zemra të gjithë mësimdhënësit, Këshillin Drejtues të Shkollës, DKA-në dhe gjithë bashkëpunëtorët tanë për mbështetjen dhe bashkëpunimin e vazhdueshëm.
Krenare me stafin tonë, krenare me shkollën tonë!
Drejtoresha e SHF “Mustafa Bakija”
ZANA KURTISHI RUDI
