Shkolla “Muharrem Shemsedini” në Fshatin e Vjetër në Ferizaj në prag të vitit të ri shkollir ka bërë ndryshime rrenjësore të ambientit të brendshëm.
Drejtoria e kësaj shkolle njofton se është bërë rregullimi i mureve të klasave, korridoreve, rregullimi i dyshemeve e dyerve, shkruan AlbanianEducation.net.
Njoftimi i shkollës:
Pas shumë përpjekjeve e mundimeve, arritëm që bashkarisht ta ndryshojmë brendinë e shkollës sonë, ashtu siç edhe kemi planifikuar e ideuar kohë më parë!
Shprehim mirënjohjen tonë ndaj Drejtorisë së Arsimit të Komunës së Ferizajit konkretisht drejtorit @Afrim Llabjani si dhe z. @Bashkim Bytyqin për përkushtimin dhe mbështetjen e vazhdueshme që i ofruan shkollës sonë në këto ndryshime rrenjësore të ambientit të brendshëm!
Falënderime për të gjithë ata që punuan në rregullimin e mureve të klasave, koridoret, rregullimin e dyshemeve e dyerve, ndriqimin e klasëve dhe koridoreve që ka transformuar ambientet tona mësimore në hapësira më të pasterta ,më të ndritshme e më të këndshme për nxënësit tanë.
Ky angazhim dëshmon përkushtimin tuaj për të krijuar kushte sa më të mira për mësimdhënie e mësimnxënie.
Së bashku, po ndërtojmë një të ardhme më të ndritur për fëmijët tanë!
Andaj sot shkolla jonë është e gatshme për mësim!
Nxënës të dashur, duke ju uruar shëndet të plotë e shumë suksese, ne ju presim me padurim në shkollë!
Suksese për të gjithë nxënësit!
Punë të mbarë për të gjithë mësimdhënësit!
Me respekt,
Drejtoria e shkollës.
©AlbanianEducation– Ndalohet kopjimi pa lejen tonë.
