Shkolla “Muharrem Shemsedini” në Fshatin e Vjetër në Ferizaj në prag të festave të Nëntorit – Ditës së Flamurit si dhe festave tjera ka marrë pamje festive, shkruan AlbanianEducation.net.
Postimi i shkollës:
Në prag të festave të Nëntorit – Ditës së Flamurit si dhe festave tjera, shkolla jonë mori pamje festive.
Përmes fotografive të përmbledhura, mund të shihni disa angazhime të realizuara shkëlqyeshëm nga arsimtari i artit Lulzim Asllani, përgjatë një jave.
Në një pano gjigante, u vendosën figura të larta historike e kombëtare në mënyrë kronologjike, e që janë donacion i arsimtarit Lulzim Asllani.
Ndërsa flamujt kuq e zi, erdhën donacion nga shoqata “Miqtë e Familjes Biden”, të cilët na siguruan 112 të tillë, numër ky që simbolizon vitet e pavarësisë së Shqipërisë.
Përgëzime për angazhimin dhe përkushtimin e arsimtarin tonë Lulzim Asllani, i cili me kreativitetin e tij, i ka dhënë ngjyra festive shkollës.
Drejtori i shkollës gjithashtu, e përgëzon dhe falenderon për bashkëpunim!
