Shkolla “Ibrahim Mazreku”, në Malishevë ka njoftuar se dita e premte, 17 prill 2026, do të jetë ditë zie, në shenjë respekti dhe solidarizimi pas humbjes së dy nxënësve të saj.
Shkolla thotë se vendimi është marrë në koordinim me Drejtorinë e Arsimit, Këshillin e Prindërve dhe Këshillin e Mësimdhënësve.
Si rrjedhojë, gjatë kësaj dite do të pezullohet procesi mësimor.
Njoftimi i plotë:
Në koordinim me Drejtorinë e Arsimit, Këshillin e Prindërve dhe Këshillin e Mësimdhënësve, njoftojmë të gjithë nxënësit, prindërit dhe stafin e SHFMU “Ibrahim Mazreku” – Malishevë, se në shenjë solidarizimi dhe respekti për ndarjen tragjike nga jeta të nxënësve tanë të klasës së tretë: Naile dhe Kujtim Berisha, si dhe të prindit të tyre, Ilir Berisha, dita e premte, më 17.04.2026, shpallet: Ditë Zie në shkollën tonë.
Gjatë kësaj dite pezullohet procesi mësimor.
Ftojmë të gjithë nxënësit dhe stafin që këtë ditë ta respektojmë me dinjitet, qetësi dhe solidaritet.
Për organizimin e mbledhjes përkujtimore do t’ju njoftojmë me kohë.
Me respekt,
Drejtoria e SHFMU “Ibrahim Mazreku” – Malishevë
