Shkolla “Ibrahim Mazreku” në Malishevë ka organizuar në mënyrë jashtëzakonisht të bukur Festën e Abetares.
Në Shtëpinë e Kulturës “Tahir Sinani” në Malishevë, mësimdhënësit e SHFMU “Ibrahim Mazreku” Malishevë, bashkë me nxënësit në formatin më të bukur e organizuan Festën e Abetares, për vitin shkollor 2023/2024, shkruan Albanianaeducation.net.
Njoftimi i shkollës:
Festa e Abetarës
Sot, më 17.05.2024, në Shtëpinë e Kulturës “Tahir Sinani” në Malishevë, mësimdhënësit e SHFMU “Ibrahim Mazreku” Malishevë, bashkë me nxënësit në formatin më të bukur kanë organizuar Festën e Abetares, për vitin shkollor 2023/2024.
Imagjinata, kreativiteti dhe përkushtimi deri në perfeksion i mësuseve Blertë,Leonorë, Donjetë, Naile dhe mësusit Hamit, e bënë festën një skenë të bukur teatri të ëndrrave për fëmijët duke zbërthyer deri në detaje, figurat, numrat, shkonjat e ngjyrat e festës.
Këtë ngjarje brilante në hapje e përshendeti drejtoresha e shkollës, Rrezartë Mazreku Kastrati, e cila në fjalën e saj tha se “këta fëmijë me ndihmën e mësueseve dhe prindërve e kanë përmbyllur me sukses vitin duke tejkaluar sfida, me angazhim, vullnet dhe përpjekje të madhe”.
Poashtu ajo tha: “ky rrugëtim i vështirë dhe i bukur nuk do të kishte rezultatin e dëshiruar pa mbështetjen dhe rolin e rëndësishëm të prindërve në shtëpi”.
Në fund të programit kulturo-artistik të gjithë nxënësit u shpërblyen me lëvdata.
Falënderojmë mësimdhënëset/it, nxënësit, prindërit për punën dhe bashkëpunimin, fëmijeve iu uroj suksese në rrugëtimin e tyre arsimor e jetësor!
Gëzuar Festa e Abetares!
