Shkolla “Hilmi Rakovica” në Prishtinë ka reguar pasi nxënësi i tyre, Rijad Hyseni, vdiq sot si pasojë e therjes me thikë.
Në një njoftim të kësaj shkolle thuhet se ‘kjo ngjarje tragjike na tronditi thellë dhe na preku pa masë’.
“Riajdin do ta kujtojmë gjithmonë si nxënës i urtë dhe shumë i sjellshëm”, thonë në telegramin e ngushëllimit të shkollës.
Telegrami i ngushëllimit:
Të dashur nxënës, të nderuar prindër dhe mësimdhënës,
Sot më pikëllim, morëm lajmin për humbjen e jetës së nxënësit të shkollës sonë, Rijad Hyseni.
Kjo ngjarje tragjike na tronditi thellë dhe na preku pa masë.
Lajmet e tilla sjellin trishtim dhe dhimbje të mëdha.
Rijadi sot është dashur të jetë ulur në bankat e shkollës bashkë me shokë e shoqe të klasës IX/1.
E nderuar familje Hyseni,
Në këto momente bashkëndiejmë dhimbjen me ju dhe të gjithë familjarët tuaj.
Riajdin do ta kujtojmë gjithmonë si nxënës i urtë dhe shumë i sjellshëm.
Në emër të menaxhmentit të shkollës, mësimdhënësve dhe nxënësve iu shprehim ngushëllimet tona më të sinqerta!
Rijad, dritë pastë shpirti yt i bardhë!
Pusho në paqe!
