Shkolla “Hamëz Thaçi” në Xërxë të Rahovecit ka njoftuar se donacionet e mundshme në formë dhuratash për Vitin e Ri do të pranohen vetëm në emër të shkollës (nga drejtoria e shkollës) dhe asesi në formë parciale për ndonjë individ grup apo klasë të caktuar.
Njoftimi i plotë:
Sot, KDSH-ja e shkollës sonë ka mbajtur mbledhjen e radhës ku në mes tjerash u mor edhe ky vendim:
– Donacionet e mundshme në formë dhuratash për Vitin e Ri do të pranohen vetëm në emër të shkollës (nga drejtoria e shkollës) dhe asesi në formë parciale për ndonjë individ grup apo klasë të caktuar.
-Arsyetim: Shkolla dëshiron që të gjithë nxënësit t’i trajtojë në mënyrë të barabartë dhe të eliminojë cilëndo formë të diferencimit individual apo grupor.
-Shkolla, varësisht nga donatorët, parasheh shpërndarjen proporcionale të dhuratave nga klasa përgatitore drejt klasave më madhore dhe do ta bëj publik secilin donacion, si dhe do t’i japë llogari secilës palë të interesuar.
-Faleminderit për mirëkuptim!
-Respekt donatorëve!
