Shkolla “Gjergj Fishta” në Prishtinë mësim me orar të shkurtuar, shkak mungesa e ngrohjes

Tash e disa ditë, prindërit e shkollës fillore “Gjergj Fishta” në kryeqytet, nga mësimdhënësit njoftohen se orët mësimore do të jenë të shkurtuara, për shkak të mungesës së ngrohjes.

Mësimi po mbahet me orar të shkurtuar nga 30 minuta sepse nuk ka ngrohje. Tërë javën nuk ka pasur ngrohje”, i tha RTK-së, Hazir Xhemshiti, prind.

Edhe Bekim Ahmeti, një prind tjetër që ka fëmijët në këtë shkollë, ka konfirmuar se nxënësit nuk po kanë ngrohje në klasë, prandaj edhe mësimi është me orar të shkurtuar.

Drejtoresha e shkollës thotë se për tri ditë me radhë është praktikuar mësimi me orar të shkurtuar për shkak të defektit në ormanin e rrymës, që janë duke u kryer punimet në sallën e edukatës fizike.