Në shkollën fillore “Drenica” të Polacit, mësimi këtë ditë nuk filloi siç çdo ditë tjetër.
Ajo se çfarë i dha më shumë ngjyra orës së parë mësimore në këtë mëngjes është iniciativa për të diskutuar me brezat e rijnë për Epopenë e UÇK-së dhe historinë e lavdishme të familjes Jashari.
Mësimdhënësi i historisë të kësaj shkolle, për Kanal10 tha se kryesisht nxënëseve do t’iu sqarohet çdo gjë që ndodhi brenda atyre ditëve pasi që ata tani janë e ardhmja e vendit.
“Pasi që edhe është një ditë e veçantë për të gjithë në shqiptarët në Kosovë, kemi menduar të ua sqarojmë nxënëseve të ardhmes tonë, atë ngjarje çfarë ka ndodhur brenda atyre tre ditëve në familjen Jashari e cila mbetet simbol i shqiptarëve dhe pasqyron një ngjarje më të veçantë historike në vendin tonë. Kësaj ngjarje i parapriu edhe ngjarja në Likoshan e cila ka dhuruar shumë dhimbje por edhe ka treguar rolin vendimtar që i priu Adem Jashari për liri.”, është shprehur mësimdhënësi i historisë.
Ndërkaq, drejtori i shkollës fillore “Drenica”, Gëzim Gashi ka thënë se me vendim të Qeverisë dhe Komunës ora e parë do t’i kushtohet “Epopesë së UÇK-së”, komandantit Adem Jashari dhe të gjithë dëshmorëve.
Ky vendim nuk u morr vetëm për këtë shkollë, por për tërë vendin.
Gjatë ditës së djeshme filloi manifestimi i Epopesë së UÇK-së, e cila do të zgjasë për tre ditë.
Më 5, 6 dhe 7 mars të vitit 1998, në Prekaz të Skenderajt, forcat serbe sulmuan shtëpitë e familjes Jashari, duke lënë të vrarë mbi 50 anëtarë të kësaj familjeje, fëmijë, gra, burra e të moshuar./Gazeta10
Video nga minuta e 36-të
