Shkolla fillore “Dardania” në Prishtinë ka njoftuar se ka fituar një projekt madhor në vlerë 2 milionë euro për renovimin e tërësishëm të shkollës.
Albanian Education mëson se nxënësit e kësaj shkolle nga java tjetër do të mësojnë në objektin e shkollës “Xhemail Mustafa”, por që drejtuesit e shkollë ende nuk e kanë konfirmuar një gjë të tillë.
Njoftimi i plotë:
🏆🏆 SHKOLLA FITUESE E PROJEKTIT MADHOR🏆🏆
N J O F T I M
Të nderuar prindër, mësimdhënës, nxënës dhe gjithë stafit të shkollës. Ju njoftojmë se shkolla jonë, si rëndom edhe këtë radhë është fituese e një projekti madhor, ku pas një pune intensive fitoi projektin ”IPA 2018”, i financuar nga Bashkimi Evropian me vlerë prej 2 milionë euro. Ky projekt përfshin renovim të tërësishëm të ambientit të shkollës, ku riparimet të cilat do të bëhen janë:
▪️Dyshemeja (në gjithë ambientin)
▪️Korridoret
▪️Dyert dhe dritaret (brenda dhe jashtë)
▪️Fasada e brendshme dhe e jashtme
▪️Çatia
▪️Toaletet
▪️Shkallët emergjente dhe shkallët lëvizëse
▪️Nyjet sanitare
▪️Kanalizimi (brenda dhe jashtë)
▪️Ngrohja
▪️Salla e edukatës fizike në tërësi (përfshirë dhe ventilimin)
▪️ Energjia elentrike dhe qasja në internet
▪️Kamerat e sigurisë
▪️ Sistemi kundër zjarrit
▪️Oborri i shkollës
Për këto riparime të cilat do të jenë sipas standardeve europiane, e që shkolla jonë do të bëhet “Shkollë europiane”, falënderojmë MASHT-in dhe DKA-në për mbështetjen e çdohershme që tregojnë për të mirën e arsimit. Kurse, në mënyrë të veçantë për triumfimin e këtij projekti falënderojmë prindërit e shkollës sonë z. Ridvan Islami dhe z. Denis Ferizi, e poashtu edhe drejtorin e shkollës z. Isak Bregaj i cili tash e sa vite me përkushtimin unik ka sjellë dobi përfituese të panumërta për këtë shkollë.
Ju falënderojmë shumë dhe urojmë në finalizim të suksesshëm të projektit!
Të lumtur me sukseset e njëpasnjëshme!
