Shkolla fillore “Asdreni” në Pejë ka shënuar festën e Abetares.
Nën përkujdesjen dhe përkushtimin e mësueseve Valbone Nikqi, Arta Daci, Blerina Xhemajli dhe Flutura Kada Berisha, fëmijët dhuruan një program të mrekullueshëm me këngë, recitime dhe interpretime që pasqyruan punën, dashurinë dhe përparimin e tyre gjatë këtij viti të parë shkollor.
Postimi i shkollës:
🎉 FESTA E ABETARES 📚✨
Me plot emocion dhe atmosferë festive, në Shkollën Fillore “Asdreni” u organizua Festa e Abetares, një moment i veçantë që shënon përfundimin e rrugëtimit të parë në botën magjike të shkronjave për nxënësit e klasës së parë.
Nën përkujdesjen dhe përkushtimin e mësueseve Valbone Nikqi, Arta Daci, Blerina Xhemajli dhe Flutura Kada Berisha, fëmijët na dhuruan një program të mrekullueshëm me këngë, recitime dhe interpretime që pasqyruan punën, dashurinë dhe përparimin e tyre gjatë këtij viti të parë shkollor.
Kjo festë nuk ishte vetëm një ngjarje kulturore, por edhe një kujtim i paharrueshëm për secilin nxënës që mësoi të lexojë dhe të shkruajë me ndihmën e Abetares – librit të parë që hap dyert drejt dijes dhe suksesit.
Urime nga zemra për të gjithë nxënësit tanë të klasës së parë! Ju urojmë një rrugëtim të mbushur me dituri, suksese dhe dashuri për librin! 📚🔤
