Shkolla fillore “Abdyl Frashëri” në Prizren ka mbajtur festën e Abetares.
Mësuesja Teutë Bajraktari-Cakaj ka derguar një shkrim për AlbanianEducation dhe foto nga festimi i Abetares.
Shkrimi i saj:
Gjithçka fillon me një hap për të përshkuar pastaj një rrugë të gjatë.
Dhe këtë rrugëtim, së bashku me mësuesën, ju e përfunduat me sukses të plotë.
Në këtë rrugëtim, në çdo stacion ju morët nga një shkronjë me vete. Dhe kështu, nga shkronja A deri tek shkronja ZH ju morët plot 36 udhëtar të çmuar me vete, dhe u bët një duke e finalizuar me Festen e Abetarës.
Tashmë, bagazhet tuaja janë të mbushur me margaritarë të cilët do t’ i gdhendni me shumë maturi duke iu shtuar forma të ndryshme ndriçuese.
Përveç kësaj, festuat dhe ditën tuaj, 1 Qershorin duke i vë në pah të drejtat tuaja dhe duke i dhënë diversitet ngjyrash panoramës suaj festive.
Andaj, gëzuar për të gjithë filizat kudo që ndodhën, respektivisht, Shfmu “Abdyl Frashëri “ Prizren.
