Shkolla “Emin Duraku” në Prizren ka shënuar 71-vjetorin e themelimit me një program të pasur kulturo-artistik para një numri të madh prindërish dhe të ftuarish të tjerë, shkruan AlbanianEducation.net.
Drejtori Rrahim Bektashi theksoi rëndësinë e kësaj shkolle që nga themelimi i saj e deri më tani, sfidat e mëparshme dhe aktuale si dhe transformimin modern duke u cilësuar me të drejtë si shkolla model e Kosovës.
Në këtë 71-vjetor, Drejtoria e shkollës ndau edhe lëvdata e mirënjohje për nxënës dhe mësimdhënës të dalluar sikurse edhe për nxënësit fitues të kuizeve të diturisë.
Njoftimi i shkollës:
Me rastin e 71 vjetorit të themelimit të SHFMU “Emin Duraku” në Prizren, nxënësit dhe mësimdhënësit e shkollës shfaqën një program të pasur kulturo-artistik para një numri të madh prindërish dhe të ftuarish të tjerë.
Nxënësit përmes talentit të tyre të jashtëzakonshëm, kuruar nga mësimdhënësit profesional të shkollës, interpretuan poezi, interpretime instrumentale e valle me motive popullore, duke rrëmbyer zemrat e publikut me origjinalitetin krijues dhe interpretues.
Në këtë 71-vjetor, Drejtoria e shkollës ndau edhe lëvdata e mirënjohje për nxënës dhe mësimdhënës të dalluar sikurse edhe për nxënësit fitues të kuizeve të diturisë.
Në fjalën e tij, drejtori Rrahim Bektashi theksoi rëndësinë e kësaj shkolle që nga themelimi i saj e deri më tani, sfidat e mëparshme dhe aktuale si dhe transformimin modern duke u cilësuar me të drejtë si shkolla model e Kosovës.
