Shkolla “Emin Duraku” në Prishtinë ka njoftuar se do të ketë sërish Dhomën e Mjekut, një hapësirë e domosdoshme për ndihmën e parë dhe përkujdesjen ndaj nxënësve tanë, shkruan AlbanianEducation.net.
Njoftimi i shkollës:
Rikthimi i Dhomës së Mjekut – Falë Iniciativës së Drejtorit dhe Mbështetjes së Ish-Nxënësit!
Pas shumë vitesh, shkolla jonë do të ketë sërish Dhomën e Mjekut, një hapësirë e domosdoshme për ndihmën e parë dhe përkujdesjen ndaj nxënësve tanë!
Kjo arritje është rezultat i iniciativës së drejtorit të shkollës, i cili me përkushtim e vizion të qartë, me ndihmën ish-nxënësin tonë të dashur Dugagjin Murtezi, dhe Kompanisë “Madekos Medical” të cilët me shumë zemër pranuan të dhurojë pajisjet dhe mobilimin për këtë hapësirë.
Kjo dhomë nuk është vetëm një vend për ndihmë të parë – është simbol i përkushtimit, bashkëpunimit dhe dashurisë ndaj shkollës.
Faleminderit Dugagjin, dhe faleminderit çdo individ që kontribuon në të ardhmen e nxënësve tanë!
