Shkolla e Mesme Teknike “Nexhmedin Nixha”, në Gjakovë ka shënuar 65-vjetorin e themelimit.
Kreu i Gjakovës, Ardian Gjini, ka uruar nxënësit dhe mësimdhënësit dhe ka thënë se për punën që po bëhet në shkollë është mirënjohës ndaj Drejtoreshës Florentina Gjergjaj, mësimdhënësve e nxënësve të cilët përmes punës në ekip, po realizojnë projekte të mrekullueshme, shkruan AlbanianEducation.net.
Postimi i tij:
Ku ka më mirë se të festojmë për suksesin e shkollave tona 🙂, aty ku fëmijët tanë përgatiten për të ardhmen e tyre të ndritur në karrierë, e cila patjetër përkthehet në një të ardhme më të mirë për vendin tonë!
Sot, isha i nderuar të jem i pranishëm në Festën e Shkollës së Mesme Teknike “Nexhmedin Nixha”, institucion ky i cili po zhvillohet në vazhdimësi, duke qenë në hap me standardet moderne të mësimdhënies për nxënësit që vijojnë mësimet në këtë shkollë 🤝.
Jam krenar për punën që po bëhet në këtë shkollë të komunës sonë, dhe për këtë jam mirënjohës ndaj Drejtoreshës Florentina Gjergjaj, mësimdhënësve e nxënësve të cilët përmes punës në ekip, po realizojnë projekte të mrekullueshme.
