Shkolla “Dituria” në Llapashticë të Podojuevës shembull i një ambienti të pastër

Në shkollën tonë “Dituria”, nën udhëheqjen e drejtorit z. Ahmet Kamerolli, pastërtia dhe mirëmbajtja e ambientit janë gjithmonë në qendër të vëmendjes. Nxënësit mësohen që të kujdesen për klasat, korridoret dhe oborrin, duke mos hedhur mbeturina dhe duke respektuar hapësirat shkollore.

Në çdo cep të shkollës janë të vendosura koshe për mbeturina, për të lehtësuar mbajtjen e pastërtisë. Stafi i mirëmbajtjes përkujdeset çdo ditë për pastrimin dhe dezinfektimin e hapësirave të përbashkëta, duke siguruar një mjedis të pastër, të sigurt dhe të shëndetshëm për të gjithë.

Falë angazhimit të përbashkët të nxënësve, mësimdhënësve dhe stafit, shkolla “Dituria” mbetet një shembull i mirë i edukimit për pastërti dhe kujdes ndaj mjedisit.