Shkolla “Daut Bogujevci” në Fushë Kosovë ka njoftuar se ka vdekur mësimdhënësja e matematikës Kaltrina Fazliu Shilova.
Shkolla në njoftimin e saj thotë se përkushtimi, puna e palodhur dhe angazhimi i saj si mësimdhënëse e matematikës, njohëse e shkencave ekzakte, e bëjnë Kaltrinën, një nga figurat që do të jetojë gjatë në fushën e arsimit dhe edukimit.
Njoftimi i shkollës:
Njoftim mortor
Me pikëllim të thellë morëm lajmin e kobshëm, se është ndarë nga jeta në moshë të re, mësimdhënësja e matematikës Kaltrina Fazliu Shilova.
Përkushtimi, puna e palodhur dhe angazhimi i saj si mësimdhënëse e matematikës, njohëse e shkencave ekzakte, e bëjnë Kaltrinën, një nga figurat që do të jetojë gjatë në fushën e arsimit dhe edukimit.
Ndërsa, për ne që patëm fatin ta njohim do të mbetet gjithmonë vajza e qetë, e buzëqeshur dhe e guximshme që i jepte gjallëri dhe dobi çdo takimi.
Shprehim ngushëllimet më të sinqerta gjithë familjes Fazliu-Shillova, miqëve, dhe gjithë komunitetit arsimor!
I përjetshëm qoftë kujtimi për të!
