Shkolla fillore “Dardania” në Prishtinë ka shënuar 39 vjetorin e themelimit në Pallatin e Rinisë, me një program shumë të pasur të përgatitur nga nxënësit.
Të pranishëm në këtë organizim përveç mësimdhënësve, kishte edhe zyrtarë nga Drejtoria e Arsimit, drejtorë të shkollave të tjera, prind të nxënësve etj, shkruan AlbanianEducation.net.
Postimi i shkollës:
Të nderuar prindër, mësimdhënës dhe nxënës të dashur!
Sot është një ditë gëzimi dhe festimi, pasi shënojmë ditën e shkollës sonë, e cila u ngrit më 25 mars 1985 në zemrën e lagjes Dardania dhe që nga ajo kohë ka mbajtur këtë emër të respektuar. Shkolla jonë ka qenë dhe vazhdon të jetë djepi i shumë talenteve dhe profesionistëve të dalluar që kanë kontribuar jo vetëm në lagjen tonë por në të gjithë Republikën e Kosovës.
Bashkimi, harmonia dhe përkushtimi i palëkundur janë çelësi i suksesit tonë. Le të ndërtojmë ura bashkëpunimi dhe të kultivojmë respektin dhe dashurinë ndaj njëri-tjetrit, duke punuar së bashku për të bërë mjedisin tonë akoma më frytdhënës dhe pozitiv.
Gëzuar dhe urime festën!
