Shkolla “Dardania” në Prishtinë ka njoftuar se është renovuar aneksi, dhe nga tani e tutje, nxënësit do të zhvillojnë procesin mësimor vetëm në ambientet e shkollës “Dardania”, shkruan Albanianeducation.net.
Njoftimi:
Njoftim i rëndësishëm për shkollën “Dardania”
Të nderuar prindër, nxënës dhe komunitet i shkollës “Dardania”,
Me kënaqësi ju informojmë se është renovuar aneksi, dhe nga tani e tutje, nxënësit tanë do të zhvillojnë procesin mësimor vetëm në ambientet e shkollës “Dardania”.
Në emër të komunitetit dhe të shkollës “Dardania”, shprehim falënderimet tona të sinqerta për menaxhmentin e shkollës SHFMU “Xhemail Mustafa”, Prishtinë, të cilët pa kushte dhe pa hezitim na ofruan mundësinë që një pjesë e nxënësve tanë për disa vite të zhvillonin mësimin në shkollën e tyre.
Një falënderim i veçantë shkon gjithashtu për drejtorinë e Arsimit, për përkushtimin dhe angazhimin e tyre të vazhdueshëm për të stabilizuar sa më shpejt procesin mësimor në shkollën tonë.
Gjithashtu, ju njoftojmë se së shpejti do të fillojë renovimi i plotë i shkollës, çka do të sigurojë një stabilitet të qëndrueshëm për zhvillimin e procesit mësimor.
Ju informojmë se duke filluar nga e hëna, mësimi do të zhvillohet sipas orarit të ri:
Klasat IX, VIII, VII dhe VI (1, 2, 3, 4, 5): Mësimi do të zhvillohet paradite.
Klasat VI (6, 7): Mësimi do të fillojë në orën 12:00 dhe do të zgjasë deri në orën 16:15.
Klasat parashkollore, si dhe klasat I, IV dhe V: Mësimi do të fillojë në orën 12:00.
Klasat e II dhe të III: Mësimi do të fillojë në orën 15:00 dhe do të zhvillohet në shkollën “Dardania.”
Faleminderit për mirëkuptimin dhe bashkëpunimin tuaj të vazhdueshëm!
Me respekt,
Drejtoria e Shkollës “Dardania”
