Shkolla “Abdullah Tahiri” ka qenë gjithmonë aktive në organizimin e aktiviteteve për mbështetjen dhe përkrahjen e fëmijëve me nevoja të veçanta në qytetin tonë.
Këtë dhjetor, shkolla vendosi të realizojë një nismë të veçantë duke organizuar një aktivitet humanitar, ku nxënësit dhe mësimdhënësit përgatitën dhe shitën ushqime me çmime simbolike.
Aktiviteti u përkrah gjerësisht nga bashkëfshatarët, duke e kthyer këtë ditë në një përvojë të paharrueshme dhe motivuese për të gjithë.
Fondet e mbledhura do të dhurohen për fëmijët e qendrës “Pema,” duke sjellë më shumë gëzim dhe solidaritet në këtë fundvit.
Postimi i plotë:
Shkolla ” Abdullah Tahiri ka organizuar edhe më herët aktivitete për mbështetjen dhe përkrahjen e fëmijëve me nevoja të veçanta në qytetin tonë!
Por, këtë dhjetor, menduam të organizojmë një aktivitet më ndryshe se herët tjera.
Këtë e realizuam me përgatitjen dhe shitjen e ushqimeve nga nxënësit dhe mësimdhënësit me çmime simbolike!
Aktiviteti ishte i ndihmuar dhe i mbështetur skajshmërisht nga bashkëfshatarët tanë të cilët i falënderojmë për bashkëpunimin dhe përkrahjen e pakusht që na ofruan!
Falë përkushtimit dhe organizimit të organizatorëve të aktivitetit, drejtorit të shkollës, stafit dhe bashkëfshatarëve, kjo ditë u shndërrua në një përvojë të paharrueshme për nxënësit duke i motivuar dhe nxitur ata për të ndihmuar dhe përfshirë të gjithë fëmijët në gëzime dhe festa të përbashkëta.
Faleminderim i veçantë shkon për udhëheqësin e Këshillit të Prindërve zotëri Artan Bejta i cili na ofroi mbështetje dhe përkrahje pa rezervë!
Fondi i grumbulluar do t’u dhurohet fëmijëve me nevoja të veçanta të qendrës ” Pema ” në qytetin tonë!
” Të ndihmosh një fëmijë është të ndryshosh një jetë, të ndryshosh një jetë është të ndryshosh botën “.
Organizatorja e aktivitetit: Ilmije Rahimi
