Përballë rritjes së mungesave dhe shkeljeve të rregullores nga disa nxënës, shkolla “Abedin Rexha” në fshatin Turiçec organizoi një takim të posaçëm me prindër, me qëllim forcimin e bashkëpunimit dhe gjetjen e zgjidhjeve të përbashkëta.
Takimi synonte adresimin e sfidave aktuale, si dhe marrjen e masave konkrete për të siguruar një mjedis më të rregullt dhe më efektiv në procesin mësimor.
Njoftimi i shkollës:
Sot u mbajt mbledhja me prindër, me të cilët diskutuam sfidat e shkollës dhe masat që do të merren ndaj disa nxënësve që kanë tejkaluar mungesat dhe kanë shkelur rregulloren e shkollës.
Gjithashtu u zhvillua një bisedë bashkëpunuese me prindër dhe kujdestar, ku u shkëmbyen mendime dhe u trajtuan çështjet kryesore që lidhen me përmirësimin e ecurisë së nxënësve, të cilët mbeten prioriteti ynë kryesor në çdo veprim dhe vendim shkollor.
