Shumë persona vuajnë ndjesinë e vapës së tepërt edhe në rastin kur koha nuk është e ngrohtë.
Por sado e çuditshme të duket, ndjesia e nxehtësisë së tepërt është një pasojë e një problemi shëndetësor e jo një tekë e momentit.
Cilat janë shkaqet e vapës së vazhdueshme
Hipertiroidizmi
Sipas të dhënave problemet me tiroiden, sidomos prodhimi i tepërt i hormoneve përshpejton ritmin energjik të trupit, gjë që shkakton nxehtësi të tepërt e të vazhdueshme.
Menopauza
Fundi i ciklit menstrual që ndodh rreth moshës 50 vjeçare u ‘dhuron’ femrave ethe të nxehta krejt të papritura.
Temperatura e trupit rritet shpejt dhe shkakton djersitje të tepërt, marramendje dhe rrahje të çrregullta të zemrës.
Temperatura
Temperatura normale e trupit është 37 gradë. Nëse ajo rritet më tepër, trupi vuan nga temperatura.
Temperatura zakonisht rritet kur trupi po përpiqet të luftojë viruse ose baktere.
Kafeina
Kafeina largon përgjumjen e mëngjesit por edhe rrit temperaturën e trupit.
Nëse merrni më shumë kafeinë, tensioni i gjakut rritet bashkë me aciditetin në stomak dhe nivelin e sheqerit në gjak.
Ushqimet pikante
Ushqimet pikante rrisin temperaturën e brendshme të trupit dhe ju bëjnë të djersini.
Nuk ka asnjë arsye për shqetësim, gjithmonë nëse nuk e teproni me ushqimet pikante.
Aktiviteti fizik
Gjatë aktivitetit fizik, trupi djeg shumë energji por prodhon po aq nxehtësi.
Qarkullimi i gjakut bëhet më i shpeshtë nën lëkurë dhe trupi përpiqet të ulë temperaturën nëpërmjet djersës.
Diabeti
Enët e gjakut të njerëzve që vuajnë nga diabeti i tipit 1 dhe 2 nuk zgjerohen siç duhet gjë që e bën të vështirë qarkullimin e gjakut në lëkurë me qëllim freskimin e trupit.
Mosha
Me kalimin e moshës, sistemi i brendshëm freskues i trupit nuk funksionon siç duhet.
Zemrës i nevojitet të pompojë më shumë gjak në sipërfaqe, por me kalimin e moshës zemra nuk është më aq e fortë.
Sëmundjet kardiovaskulare
Sëmundjet kardiovaskulare nënkuptojnë një zemër më të dobët e cila has vështirësi në shpërndarjen e gjakut në të gjithë trupin.
Ky i fundit është gjithmonë i nxehtë, gjë që nxis atakun në zemër.
Mungesa e ujit
Nëse nuk hidratoheni siç duhet, trupi nuk do të djersisë dhe nuk do të arrijë të freskohet.
Mbipesha
Mbipesha e bën më të vështirë punën e organizmit për t’u vetëftohur.
Për këtë arsye rekomandohet që të bini nga pesha në mënyrë të shëndetshme./AgroWeb
