Shkolla “Tefik Çanga” në Ferizaj, ka mbatur një aktivitet të veçantë përgatitjeje dhe shitjeje të ushqimeve tradicionale, ku mjetet e mbledhura me zemërgjerësi nga nxënësit e klasëve të dyta dhe stafi i shkollës i janë dhuruar Handikosit në këtë qytet, shkruan AlbanianEducation.net.
Njoftimi nga HANDIKOS në Ferizaj:
Sot kemi pranuar një donacion prej 634.45€ nga shkolla SHFMU “Tefik Çanga” – Ferizaj, mjete të mbledhura me zemërgjerësi nga nxënësit e klasëve të dyta dhe stafi i shkollës përmes një aktiviteti të veçantë përgatitjeje dhe shitjeje të ushqimeve tradicionale.
Ky kontribut është një dëshmi e ndjeshmërisë dhe mbështetjes së komunitetit për misionin tonë në ndërtimin e qendrës së re me bazë në komunitet.
❤️ Jemi thellësisht mirënjohës për këtë akt solidariteti, i cili na frymëzon të vazhdojmë me përkushtim në ofrimin e shërbimeve dhe mbështetjes për ata që kanë më shumë nevojë.
