Prindërit vazhdojnë të ndërmarrin iniciativa në të mirë të shkollës. Së fundmi Prindërit e nxënësve të klasës I/3, me mësuesen Burbuqe Macula, të shkollës “Xhemail Mustafa” në Prishtinë bënë dekorimin e murit të klasës me një mural me moton inspiruese “E ardhmja e botës është sot në këtë klasë”, shkruan AlbanianEducation.net.
Njoftimi i shkollës:
📚 Bashkëpunimi prind–shkollë – çelësi i suksesit! 🤝
Prindërit e nxënësve të klasës I/3, me Mësuesen Burbuqe Macula, bënë dekorimin e murit të klasës me një mural me moton inspiruese “E ardhmja e botës është sot në këtë klasë”.
Ky mural do të jetë një burim motivimi dhe frymëzimi për të gjithë nxënësit tanë, duke i kujtuar atyre çdo ditë rëndësinë e edukimit dhe rolin që ata kanë në të ardhmen e shoqërisë sonë.
Falënderojmë sinqerisht prindërit për këtë iniciativë të çmuar dhe për mbështetjen e tyre të vazhdueshme në rrugëtimin edukativ të fëmijëve tanë! Pa mbështetjen dhe bashkëpunimin e prindërve, suksesi ynë nuk do të ishte i plotë.
