Shembull i mirë: Donatorët i dhurojnë dy klima dhe pajisje sportive shkollës “Liria” në Strofc të Vushtrrisë

Donatorët vazhdojnë të ndihmojnë shkollat e vendit. Së fundmi disa donatorë kanë ndihmuar shkollën “Liria” në Strofc të Vushtrrisë, ku kanë dhuruar dy klima dhe pajisje për lëndën e Edukatës fizike, shkruan AlbanianEducation.net.

Njoftimi i shkollës:

Sot në shkollën tonë u vendosën 2 klima dhe u dhuruan pajisje për lëndën Edukatë fizike si: 5 topa të futbollit, 4 të volejbollit, reketa per pingpong, litar etj. Nga donatorët e nderuar: Faton Asllani, Diellor Jashari, Adem Ademi dhe një anonim.

Stafi dhe nxënësit ju falënderojnë për këtë kontribut shumë të rëndësishëm për shkollën tonë!

Iniciativa të tilla janë të mirëseardhura në të ardhmen për të përmirësuar infrastrukturën e shkollës për një mësimdhënie sa më cilësore.