Në Gjimnazin “Skenderbeu”në Kaçanik, në prani të Drejtorit të Arsimit, Zahir Doda dhe Këshillit të Profesorëve është bërë pranim dorëzimi i postit të drejtorit të shkollës.
Drejtori Selim Reka , fillimisht falenderoi drejtorin Doda për përkrahjen institucionale e në anën tjetër ka shprehur një falenderim të veçantë për të gjithë profesorët, për punën e bërë gjatë udhëheqjes, në cilësinë e drejtorit të shkollës.
Më pas fjalen e mori Drejtori i Arsimit, i cili është shprehur se kur ndodhet në këtë shkollë e ndien veten si në shtëpinë e tij , ku mes tjerash falenderoi drejtorin Reka për punën e bërë gjatë udhëheqjes dhe njëkohësisht Doda ishte falenderues ndaj mësimdhënsve për punën e bërë, punë e cila e bën të ndihet krenar në mesin e Drejtorëve të Arsimit në nivel Republikan.
Drejtori Reka ia dorëzoii mandatin profesorit Shefki Guri , duke i dëshiruar punë të mbarë, në pozitën e drejtorit.
Drejtori i ri falenderoi drejtorin Doda dhe paraardhësin Reka e me theks te veçantë falenderoi kolegët për besimin e dhënë, duke u zotuar se së bashku do të punojmë , që shkolla jonë edhe më tutje ta ruaj epitetin e shkollës më të mirë në nivel të Republikës së Kosovës.
Pas gjithë kësaj të pranishmit i uruan profesorit Selim gjitha të mirat dhe njëkohësisht drejtorit të ri suksese në punë, duke e mbështetur në çdo aspekt.
