Shefki Begu emërohet drejtor i Arsimit në Komunën e Mitrovicës

Mësimdhënësi i dalluar nga Mitrovica, Shefki Begu, është emëruar drejtor i Drejtorisë së Arsimit në Komunën e Mitrovicës.

Begu vjen nga një familje me traditë të theksuar arsimore, pasi babai i tij ka ushtruar më herët detyrën e drejtorit të shkollës “Jashar Begu” në Vllahi, duke lënë gjurmë në fushën e arsimit.

Ai ushtron profesionin e mësimdhënësit të historisë dhe njihet si një nga arsimtarët më të respektuar dhe më të përgatitur profesionalisht në qytet.

Me formim të qëndrueshëm akademik dhe përvojë të gjatë në arsim, Begu është vlerësuar për përkushtimin dhe angazhimin e tij të vazhdueshëm në përmirësimin e cilësisë së mësimdhënies. /AlbanianEducation.net/.