Shpend Rrukiqi, mësues i lëndës së matematikës, përcjell të gjitha karakteristikat dhe veçoritë që i duhen një mësuesi të suksesshëm. Sipas tij, për të qenë një mësues i tillë është një sfidë më vete.
Shpend Rrukiqi, mësues i lëndës së matematikës, përcjell për Portalin Shkollor, të gjitha karakteristikat dhe veçoritë që i duhen një mësuesi të suksesshëm. Sipas tij, për të qenë një mësues i tillë është një sfidë më vete. Ndaj këtë shkrim ai dedikon të gjithë mësuesve, por edhe nxënësve.
Për çdo ditë e më tepër po e kuptoj që të mbijetosh si mësues i suksesshëm është një sfidë e vërtetë.
Kjo sfidë kërkon nga ne mësimdhënësit:
• Rifreskim të njohurive lëndore,
• Rifreskim të metodave të punës;
• T`i shohim mundësitë e jo pengesat;
• Të fillohet nga vetja për çdo gjykim të bërë;
• Të zotërojmë aftësinë e bartjes së përgjegjësive dhe të kërkuarit falje, edhe nëse kjo duhet të bëhet ndaj një fëmije;
• Të zotërojmë aftësinë e komunikimit;
• Të zotërojmë aftësinë e fleksibilitet;
• Të kemi dëshirën dhe guximin për ndryshime;
• Të jemi kreativë
• Të kemi një integritet, që nuk lejohet të shkelet nga askush;
• Mbi të gjitha dëshirë të çeliktë të luftojmë me botëkuptimet tona për të arritur të kuptojmë gjeneratat e reja.
Gunn Imsen(2006) në librin “Elevens värld” që në gjuhën shqipe do të thotë “Bota e nxënësit” shkruan:
“Nëse do ta kuptosh nxënësin do të thotë të konsiderosh atë si një njeri të barabartë edhe përkundër detyrave të veçanta.
Ta kuptosh nxënësin do të thotë të dëgjosh perceptimet e tij, të jesh i ndjeshëm për pritjet e tij dhe ta ndjesh me të shpresën, dëshirën dhe dështimin.
Të kuptosh një nxënës do të thotë ta paramendosh vetën në situatën totale të tij, si në botën e tij të brendshme ashtu edhe në atë që e rrethon.
Të kuptosh nxënësin do të thotë të jesh i gatshëm që të marrësh dhe kontrollosh përgjegjësitë e tua.
Të kuptosh nxënësin do të thotë mos ta vlerësosh atë nga dukja e jashtme, por nga veprimet që bën. Të depërtosh brenda fasadës dhe ta paramendosh vetën duke jetuar edhe në botën e brendshme të atij personi”.
Faleminderit rini që po na i hapni sytë të cilët shpesh na mbyllen, ndonjëherë nga lodhja, ndonjëherë nga lëkura e kapakëve të syve që ka humbë elasticitetin- po më së shpeshti nga egoja e tepruar dhe nga mos dëshira për të kuptuar se udhërrëfyesi jeni ju.
Rini bota është e juaj!
(Shpend Rrukiqi; Portali Shkollor)
