“I VET” dhe “I TIJ” janë përemra pronorë. Ata tregojnë që sendi i dhënë i përket një vete të caktuar. Mirëpo, a ndryshojnë ata nga njëri-tjetri dhe kur përdoret njëri e kur tjetri? Përgatiti: Sevi Agolli.
Nëse nuk janë të njëjtë, kur duhet të përdorim njërin dhe kur tjetrin?
“I VET” dhe “I TIJ” janë përemra pronorë. Ata tregojnë që sendi i dhënë i përket një vete të caktuar. Mirëpo, a ndryshojnë ata nga njëri-tjetri dhe kur përdoret njëri e kur tjetri?
Mes këtyre dy përemrave ka një dallim dhe ky dallim përcakton edhe përdorimin e drejtë të tyre.
Këtë dallim mes tyre e bën gjymtyra se kujt i referohen këta dy përemra.
Atëherë:
1. Përemri pronor “i/e tij/ i/e saj” i vetës së tretë njëjës tregon se sendi i dhënë i përket dikujt që nuk është i pranishëm në bisedë dhe mund t’i referohet secilës gjymtyrë të fjalisë. P.sh.: Brezi i tij. Moshatarët e tij. Për të mirën e tij. Agroni ia dha Ilirit librin e tij (pra, libri është i Ilirit).
2. Për vetën e tretë njëjës përdoret edhe përemri pronor “i/e vet”, që tregon se sendi i përket kryefjalës së fjalisë. P.sh.: I tha nga ana e vet. Guri është i rëndë në vend të vet. Shprehu mendimin e vet. Agroni ia dha Ilirit librin e vet (pra, libri në këtë rast është i Agronit).
KUJDES! Pronori ” i/e vet” i referohet vetëm kryefjalës, kurse pronori ” i/e tij, i/e saj…” mund t’i referohet secilës gjymtyrë të fjalisë. Ky është edhe dallimi mes tyre, që përcakton edhe përdorimin e drejtë të këtyre dy përemrave.
Shembuj:
– E VET – Agroni ia dha Ilirit librin e vet. (libri është i Agronit)
– E TIJ – Agroni ia dha Ilirit librin e tij. (libri është i Ilirit)
Portali Shkollor–
