SBASHK ka filluar edhe me një grup të trajnimit në Mitrovicë në programin “Forcimi i kapaciteteve për udhëheqjen efektive të dialogut social”, me trajner Skender Gashi, derisa ka vazhduar me grupe tjera të trajnimeve të filluara javën e kaluar në Mitrovicë dhe Vushtrri në programin “Aplikimi i programeve kompjuterike në mësimdhënie” me trajnerë Kadri Hyseni dhe Nexhmedin Gruda.
Mësimdhënësit pjesëmarrës në këto trajnime, gjatë ditës së shtunë i vizitoi kryetari i SBASHK-ut, Rrahman Jasharaj, nënkryetarja Vjollca Shala dhe koordinatori për zhvillim të brendshëm, Ymer Ymeri.
Përfaqësuesit e SBASHK-ut, mësimdhënësve u dëshiruan suksese sa më të larta në trajnimet e organizuara për anëtarësinë derisa e përcollën nga afër mbarëvajtjen e këtyre trajnimeve.
Përfaqësuesit e SBASHK-ut gjatë ditës së shtunë qëndruan edhe në Pejë ku organizuan edhe mbajtjen e testit për një grup të mësimdhënësve të cilët e kanë përfunduar trajnimin në programin “Aplikimi i programeve kompjuterike në mësimdhënie” me trajner Burim Krasniqi.
Me trajnime në këto fusha po vazhdon edhe komuna e Prizrenit me disa grupe të mësimdhënësve.
